Program partnarskapsmøte 2026

• Tid: Torsdag 12. februar 2026, kl. 09–15
• Stad: Scandic Ørnen, Bergen kommune
• Årets vertskap: Haraldsplass diakonale sykehus
• Møteleiarar: 
  • Eivind Hansen - leiar i strategisk samarbeidsutval og administrerande direktør i Helse Bergen
  • Johnny Breivik - nestleiar i strategisk samarbeidsutval og kommunedirektør i Øygarden kommune

Program

(Under arbeid, det kan derfor kome nokre endringar)

08:30–09:00 Registrering, kaffi og frukt

09:00–09:10 Opning av partnarskapsmøtet

Velkomen ved arrangøren.

• Jørn Henning Theis - styreleiar, Haraldsplass diakonale sykehus og Solli DPS

Nasjonale perspektiv

09:10–10:05 Helsepolitikk i eit samhandlingsperspektiv

Det har lenge vore ei målsetting om å styrkje samhandlinga mellom kommunar og spesialisthelsetenesta. Helsefellesskapa blei etablert gjennom avtalen mellom regjeringa og KS i 2019, og har vore ei viktig satsing i arbeidet med å skape meir heilskaplege helsetenester. Den nye modellen med helsefellesskap lanserte mellom anna faglege samarbeidsutval, og styrkte brukar- og fastlegedeltaking. 

I juni 2025 varsla regjeringa arbeid med ein helsereform, og hausten 2025 blei Helsereformutvalet etablert. Utvalet skal foreslå nye modellar for framtidig organisering, styring og finansiering av samanhengande og integrerte helse- og omsorgstenester. Ein del av reformarbeidet skal byggje på erfaringar frå «Prosjekt X», der det blir prøvd ut nye måtar å samarbeide på. I vårt helsefellesskapet er «Prosjekt X» knytt til Voss lokalsjukehusområde.

09:10 - Innlegg frå:

• Ellen Rønning-Arnesen (Ap) - statssekretær i Helse- og omsorgsdepartementet
• Gunn Marit Helgesen (H) - styreleiar i KS

09:40 - Paneldiskusjon med innleiarane og:

• Rune Haugsdal - styreleiar, Helse Bergen
• Marte Joan Monstad (FrP) - byråd for eldre, helse og omsorg, Bergen kommune
• Liv Signe Navarsete - statsforvaltar i Vestland
• Terje Søviknes (FrP) - ordførar, Bjørnafjorden kommune
• Hege Eide Vik (Sp) - ordførar, Vaksdal kommune  
• Birger Lærum - direktør, Voss lokalsjukehus

Ordstyrarar:

• Eivind Hansen - leiar i strategisk samarbeidsutval og administrerande direktør i Helse Bergen

• Johnny Breivik - nestleiar i strategisk samarbeidsutval og kommunedirektør i Øygarden kommune

10:05–10:20 Pause

10:20–11:30 Korleis kan helsefellesskapet gjere gode prioriteringar og kloke val saman?

Det er utvikla prioriteringsrettleiarar for 33 fagområde i spesialisthelsetenesta, og i april 2025 lanserte Helsedirektoratet ein ny nasjonal rettleiar for prioriteringar i dei kommunale helse- og omsorgstenestene. 

Prioriteringar og kloke val er strategiske hovudmål for Helsefellesskapet i bergensområdet, men korleis kan vi gjere dei i fellesskap? 

10:20 - Innlegg frå:

• Baard-Christian Schem - spesialrådgjevar, Helse Vest

11:00 - Paneldiskusjon med innleiiar og:

• Benedicte Djupesland - samhandlingslege, Helse Bergen
• Kjerstin Fyllingen - administrerande direktør, Haraldsplass diakonale sykehus
• Eivind Hansen - administrerande direktør, Helse Bergen
• Janiche Buanes Heltne - administrerande direktør, Betanien sykehus  
• Evy Knutsen - brukarrepresentant i helsefellesskapet
• Charlotte Spurkeland (H) - byråd for barnevern, sosiale tjenester og mangfold, Bergen kommune
• Tonje Ljones Såkvitne (Sp) - ordførar, Voss herad
• Alexander Thunestvedt (Ap) - varaordførar, Osterøy kommune
• Renate Møgster Klepsvik (FrP) - varaordførar, Austevoll kommune

Ordstyrar:

• Randi-Luise Møgster - direktør, Divisjon psykisk helsevern, Helse Bergen

11:30–12:30 Lunsj

Lokale tiltak og kva helsefellesskapet har fått til

12:30–13:25 Samhandlingprosjekt som har fått tilskot frå helsefellesskapet

Regjeringa lanserte i Nasjonal helse- og samhandlingsplan 2024–2027 eit rekrutterings- og samhandlingstilskot. Tilskotet skal fremje innovasjon og nytenking, og bidra til å prøve ut tiltak og prosjekt som har potensial for å løyse samhandlingsutfordringar. Totalt 13 prosjekt har fått tilskot frå helsefellesskapet, og her vert fem presentert.

12:30 - Innleiing frå søknadskomiteen ved:

• Trond Egil Hansen - kommuneoverlege, Bergen kommune
• Rebekka Ljosland - strategi- og samhandlingsdirektør, Haraldsplass diakonale sykehus

12:40 - Orientering frå prosjekta:

• Digital hjemmeoppfølging
• Implementering av forhåndssamtaler - for trygge pasientforløp
• Integrerte behandlingsforløp for alvorlige psykiske lidelser
• Integrerte pasientforløp for pasienter med skrøpelighet
• Rett hjelp, rett sted, rett tid - prehospital vurderingsenhet i Bergen

13:10 Perspektiv frå:

• Anita Hesthamar - rådmann, Kvam herad
• Ernst Einarsen (H) - utvalsleiar, levekårsutvalet i Øygarden kommune

13:25–13:40 Pause

13:40–14:10 Presentasjon av faglege samarbeidsutval

Faglege samarbeidsutvala (FSU) blei lansert som eitt av nivåa i helsefellesskapa i Nasjonal helse- og sykehusplan 2020–2023, og skal vere ein viktig arena for den faglege og tenestenære samhandlinga i helsefellesskapet.

Korleis jobbar dei for å bidra til heilskaplege og koordinerte tenester til pasientane?

I denne sesjonen deltek representantar frå: 

• FSU for barn og unge 
• FSU for eldre med skrøpelegdom
• FSU for psykisk helse og rus
• Medisinskfagleg utval 

Ordstyrar:

• Hilde Ystanes - seniorrådgjevar, KS

14:10–14:25 Helseberedskap ved sikkerheitspolitiske kriser og krig

Helseberedskap handlar om vår evne til å verne liv, stå i det ukjende og sikre kontinuitet når samfunnet blir sett på prøve, og har vore ei viktig sak i helsefellesskapet det siste året. 

Innlegg frå:

• Haavard Stensvand - fylkesberedskapssjef, Statsforvaltaren i Vestland

Toppleiarane peikar retning for 2026

14:25–14:50 Diskusjon i plenum

Den sikkerheitspolitiske uroa i verda og forventingar til helsetenesta krev handlingar i helsefellesskapet. Ordførarar og styreleiarar deltek i dialog på scenen om korleis utvikle helsefellesskapet med dette som bakteppe.  

• Korleis kan kommunar og spesialisthelsetenesta i fellesskap formidle kva tenester innbyggarane kan forventa seg av helsetenesta i framtida? 

• Kva kan vi saman gjere i fredstid som gjer helsefellesskapet betre førebudd på, og meir koordinert ved, sikkerheitspolitiske kriser og krig? 

• Kva andre aktørar i samfunnet kan bidra i helse- og omsorgstenesta viss det blir store endringar i prioritering av spesialisthelsetenester i ein krigssituasjon? Korleis jobbar vi med dette? 

Ordstyrarar:

• Eivind Hansen - leiar i strategisk samarbeidsutval og administrerande direktør i Helse Bergen

• Johnny Breivik - nestleiar i strategisk samarbeidsutval og kommunedirektør i Øygarden kommune

14:50–15:00 Ønske om å evaluere strukturen

Helsefellesskapet i bergensområdet har etablert mange møteplassar, med fleire utval på ulike nivå. Nokre av arenaene er etablert på bakgrunn av nasjonale føringar, men helsefellesskapet har også gjort eigne lokale tilpassingar. No har vi erfaring nok til å gjere ein evaluering av om strukturen er riktig dimensjonert til å løyse oppdraget vi har fått, eller om det er klokt å sjå på moglegheiter for å gjere endringar. Ressursbruk er stadig viktigare, og vi må saman leggje tilrette for at vi brukar ressursane der dei gjer ein skilnad. 

Er dagens samhandlingsstruktur føremålstenleg? SSU ber om tilslutnad til ønske  om evaluering.