Rekrutterings- og samhandlingstilskot
Rekrutterings- og samhandlingstilskotet er eit verktøy for å få til gode samhandlingsprosjekt mellom kommunar og sjukehus.
Rekrutterings- og samhandlingstilskotet skal fremje innovasjon og nytenking, og bidra til å prøve ut tiltak og prosjekt som har potensial for å løyse samhandlingsutfordringar mellom primær- og spesialisthelsetenesta.
Alle aktørar i Helsefellesskapet i bergensområdet kan søke om tilskot. Det er samtidig eit krav om at alle søknader må bygge på einigheit mellom kommune(r) og sjukehus.
Regjeringa lanserte i Nasjonal helse- og samhandlingsplan 2024–2027 eit rekrutterings- og samhandlingstilskot. Tilskotsmidlane skal støtte opp under tenesteutvikling og gode pasientforløp gjennom å styrke samhandlinga mellom spesialisthelsetenesta og den kommunale helse- og omsorgstenesta. Midlane skal brukast etter einigheit mellom helseføretak og aktuelle kommunar.
Tilskotet skal gjere det enklare for kommunar og sjukehus å samarbeide om felles planlegging, tenesteutvikling og gode pasientforløp for dei prioriterte pasientgruppene gjennom helsefellesskapane.
For Helsefellesskapet i bergensområdet er det eit mål om at rekrutterings- og samhandlingstilskotet skal fremje innovasjon og nytenking, og bidra til å prøve ut tiltak og prosjekt som har potensial for å løyse samhandlingsutfordringar.
Nasjonal helse- og samhandlingsplan 2024–2027 og oppdragsdokument til dei regionale helseføretaka etter revidert nasjonalbudsjett 2024 gir nokre generelle føringar for tildeling av tilskot:
Strategien til helsefellesskapen for 2024–2027 og tilhøyrande handlingsplan skal vere ei rettesnor og ei tydeleg føring når søknader om tilskot skal vurderast. Det er i strategien og handlingsplanen at dei prioriterte satsingsområda til helsefellesskapen er nedfelte.
Følgande er oppført som hovudmål og prioriterte satsingsområde i strategien for Helsefellesskapet i bergensområdet:
Det blir anbefalt at søkar også prøver ut andre finansieringsmoglegheiter gjennom ulike støtteordningar, til dømes helseteknologiordninga, InnoMeid, samhandlingsmidlar frå Alrek helseklynge, Såkornmidler, og andre.
Søknaden må og beskrive søkarane sin eigen ressursinnsats, som kan vere i form av personell, økonomiske midlar, innkjøp, utstyr m.m. Det må fremkomme i søknaden at den er forankret på nivå 2/kommunalsjefsnivå.
Søknadane vil bli vurdert etter:
Det blir gjennomført éin hovudsøknadsrunde per år med søknadsfrist på våren. Dersom det er midlar til overs etter denne søknadsrunden, blir det gjennomført ein ekstra søknadsrunde på hausten.
Søknader som får innvilga tilskot, vil bli omtalte med ei kort beskriving på saman.no.
Alle aktørar i helsefellesskapen kan sende søknad, men alle søknader må bygge på dokumentert einigheit mellom kommune(r) og sjukehus.
Søknadsprosessen skal evaluerast for å sjå om det er behov for endringar i kriterium eller modell.
Ein søknadskomité sett ned av Strategisk samarbeidsutval (SSU) vurderer søknadane, og sender ei prioritert innstilling til SSU. Strategisk samarbeidsutval vedtar endeleg tildeling av tilskot.
Søknadskomiteen består av:
Alle søknader skal nytte søknadsskjemaet til helsefellesskapen som ligg på saman.no. Søknadane skal vere kortfatta, men må innehalde tilstrekkeleg informasjon til at dei kan bli vurderte.
Søknader som ikkje oppfyller desse krava, risikerer å bli avviste. Søknadskomiteen kan be om meir informasjon utover det som er oppgitt i søknad før vedtak blir gjort.
Innvilga tilskot vil bli utbetalt på følgande måte:
Rekrutterings- og samhandlingstilskotet må brukast i samsvar med søknaden, og tilskotet gjeld for innvilga periode. Eventuell omdisponering av midlar må bli godkjent på førehand.
Heile eller delar av tilskotet kan måtte bli betalte tilbake dersom midlane ikkje har blitt brukte i tråd med søknaden.
Etter at søknadsperioden er passert, skal ansvarleg søkar for tiltaket sende sluttrapport til Strategisk samarbeidsutval ved hjelp av rapporteringsskjemaet til helsefellesskapen.
I sluttrapporten skal mottakar av tilskotet vurdere effekten av tiltaket og eventuelle læringspunkt, slik at erfaringane kjem til nytte for andre.
Samhandlingstilskotet krev ikkje eigen revisjon. Det betyr at midlane vil inngå i ordinær revisjon i organisasjonen som blir tildelt midlar.