Demografi og befolkningsgrunnlag  

Kommunane i Nordhordland (NH)  - Osterøy, Modalen, Radøy, Meland, Austrheim, Fedje, Masfjorden og Lindås, samt Gulen kommune i Sogn og Fjordane med om lag 40 000 innbyggjarar er medlemskommunar i Regionrådet Nordhordland IKS.

Kommunane er ulike i størrelse; Modalen med omlag 350 og Lindås med 14 300 innbyggjarar står som ytterpunkt. Geografisk er kommunane ulike, frå grisgrendte strok lengst nord i regionen til meir tettbygde strok i sørlege delen av regionen. Alderssamansetnaden og utfordringar i samband med framtidig auka tal på personar over 80 år er også varierande for dei ulike kommunane.

Medan nokre kommunar har utfordringar med fråflytting, og aukande tal eldre, er andre kommunar vekstkommunar med yngre befolkning og andre utfordringar. Nokre av kommunane har god tilgang på helsepersonell med generell og spesiell kompetanse, medan andre kommunar har problem med å rekruttere og halda på helsepersonell.